සටහන – සශිකලා මධුෂාණි, ජනවාරි 21,
ලෝකය(අවුට්බවුන්ඩ් ටුඩේ) : රුසියාවේ ශාන්ත පීටර්ස්බර්ග් නගරය ආසන්නයේ ගෑස් අපනයන පර්යන්තයක විශාල පිපිරීමක් හේතුවෙන් විශාල ගින්නක් ඇති වූ බව රජයට අයත් Ria Novosti ප්‍රවෘත්ති ඒජන්සිය වාර්තා කර තිබේ.
මේ වන විට ගින්න මැඩපවත්වා ඇති අතර, ජීවිත හානි කිසිවක් වාර්තා වී නොමැත.
ගින්නට හේතුව මෙතෙක් අනාවරණයව නොමැති අතර එම ප්‍රදේශයේ ඩ්‍රෝන යානා දැකගත හැකිව තිබීම හේතුවෙන් යුක්රේනය විසින් දියත්කරන ලද ප්‍රහාරයක් හේතුවෙන් ගින්න ඇතිව ඇති බවට සැක පල කෙරේ. මේ වන විට පර්යන්තයේ වැඩ කටයුතු අත්හිටුවා ඇති අතර රුසියාව සහ යුක්රේනය එකිනෙකාගේ බලශක්ති යටිතල ව්‍යුහය ඉලක්ක කර ගනිමින් ප්‍රහාර දියත් කරන බවට ඔවුන් එකිනෙකට චෝදනා කර ගනිමින් සිටියි.
