සටහන – රෂිකා හෙන්නායක
ජනවාරි 28 කොළඹ (LNW): 2021 (2022) වර්ෂයේදී පවත්වන ලද අ.පො.ස (සා.පෙළ) විභාගයට පළමු වරට පෙනී සිට විභාගය සමත්ව 2024 වර්ෂයේ දී අ.පො.ස (උසස් පෙළ) විභාගයට පෙනී සිටීමට නියමිත ආර්ථික දුෂ්කරතා ඇති සිසුන්ට ජනාධිපති අරමුදල මඟින් පිරිනමන ශිෂ්යත්ව දීමනාව ලබන මාසයේ සිට රුපියල් දහසකින් වැඩි කිරීමට ජනාධිපති රනිල් වික්රමසිංහ මහතා උපදෙස් දී ඇත.
ජනාධිපතිවරයා විසින් මෙම උපදෙස් ලබා දී ඇත්තේ, ශිෂ්ය ශිෂ්යාවන් විසින් කරන ලද ඉල්ලීම පිළිබඳ අවධානය යොමු කරමිනි.
2021/2022 වසරට අදාළව ශිෂ්යත්ව ප්රදානය කිරීමේ වැඩසටහන යටතේ ජනාධිපති අරමුදල විසින් ශිෂ්යත්වලාභීන්ට මේ වන විට මාසිකව රුපියල් 5,000ක දීමනාවක් ගෙවනු ලබන අතර මෙතෙක් මාසික වාරික 10ක් ගෙවා ඇත.
ඒ අනුව ශිෂ්යත්ව මුදල ඉහළ නැංවීමත් සමඟ 2024 පෙබරවාරි මාසයේ සිට අ.පො.ස උසස් පෙළ විභාගයට පෙනී සිටින තෙක් අදාළ ශිෂ්යත්වලාභීන් වෙත රුපියල් 6,000ක මාසික දීමනාවක් සැම මසකම පළමු සතිය තුළ ජනාධිපති අරමුදල වෙතින් පිරිනැමෙනු ඇති.
