සටහන – නිපුනි ලියනගේ
ජනවාරි 29, ලෝකය (අවුට්බවුන්ඩ් ටුඩේ): වසර දෙකකට ආසන්න කාලයකට පසු මෙක්සිකෝ නගරය තුළ නැවතත් ගොන් පොර කිරීමට එරෙහිව සත්ව හිමිකම් ක්රියාකාරීන් විරෝධය පළ කර තිබේ.
2022 වසරෙන් පසු මෙක්සිකෝ නගරය තුළ සිය පළමු ගොන් සටන පැවැත්වූයේ පසුගිය ඉරිදාය.
මෙක්සිකෝවේ 16 වැනි සියවසේ සිට පැවත එන මෙම ක්රියාව නඩුවක් ගොනු කර ඇති සත්ව හිමිකම් ක්රියාකාරීන් සමග එකඟ වෙමින් දින නියමයක් නොමැතිව අත්හිටුවීමට විනිසුරුවරයෙකු නියෝග කර ඇත.
ශ්රේෂ්ඨාධිකරණය පසුගිය මාසයේ දී එම තීරණය අවලංගු කළ නමුත් ආධාරකරුවන් සහ විරුද්ධවාදීන් අතර නීතිමය සටනක් ඇති වීමට මෙමඟින් හැකියාවක් පවතී.
විනිසුරුවන් තීන්දු කළේ තාක්ෂණික කරුණු මත පමණක් වන අතර නඩුවේ සුදුසුකම් පිළිබඳව තවමත් තීරණය කර නොමැති බව ද වාර්තා වේ.
ලොව විශාලතම ගොන් පොර පිටිය වන ප්ලාසා ඩි මෙක්සිකෝ ගොන් පොර පිටිය අසල විරෝධතාකරුවන් කෑ ගැසුවේ “වධහිංසාව කලාව නොවේ, එය සංස්කෘතිය ද නොවේ” යනුවෙනි.