සටහන – රෂිකා හෙන්නායක
පෙබරවාරි , 13 කොළඹ (LNW): මල්වතුහිරිපිටිය ප්රදේශයේදී සැකකරුවකු අත්අඩංගුවට ගැනීමට යාමේදී වෙඩි වැදී රෝහල් ගත කිරීමෙන් අනතුරුව මියගිය සැරයන්වරයා වැඩ බලන පොලිස්පතිවරයාගේ උපදෙස් මත උප පොලිස් පරීක්ෂක තනතුරට උසස් කර ඇති බව පොලිස් මාධ්ය ප්රකාශක නියෝජ්ය පොලිස්පති නිහාල් තල්දුව මහතා පවසයි.
තවද, එම සැරයන්වරයාගේ පවුලට රුපියල් ලක්ෂ 10 ක දීමනාවක්ද ලබා දීමට පියවර ගෙන ඇත.
මල්වතුහිරිපිටිය පොලිසියට අනුයුක්තව රාජකාරි කරමින් සිටි පොලිස් සැරයන් ප්රියන්ත මහතා පූගොඩ පදිංචිකරුවෙකි. මියයන විට 51 වැනි වියේ පසුවූ දෙදරු පියෙකි.
