රුසියාව විසින් යුක්රේනය ආක්රමණය කර සති දෙකක් ගතවෙද්දී රුසියානු සෙබළුන් 5000 – 6000 අතර ප්රමාණයක් මියගොස් ඇති බව ඇමරිකා එක්සත් ජනපදය පවසනවා. තවත් 18,000 කට ආසන්න සෙබළුන් පිරිසක් තුවාල ලබා ඇති බව ඇමරිකානු සංඛ්යා ලේඛන පෙන්වා දෙනවා.
මෙම සංඛ්යා පිළිබඳ සැළකීමේදී දෙවැනි ලෝක යුද සමයේදී සිදු වූ හානිය හා සමාන හානියක් සිදුවන බවට උපකල්පනය කළ හැකි බවද ඇමරිකාව පවසනවා.
මේ අතර යුක්රේනය පවසන්නේ අවම වශයෙන් රුසියානු සෙබළුන් 12,000 ක් වත් මියගොස් ඇති බවයි.
කෙසේ නමුත් රුසියාව පවසන්නේ තවමත් මියගොස් තිබෙන්නේ සෙබළුන් 500 කටත් වඩා අඩු ප්රමාණයක් බවයි. යුක්රේන හා ඇමරිකානු සංඛ්යා ලේඛන ප්රතික්ෂේප කරන රුසියාව පවසන්නේ අවම හානියක් සමග සටන් ඉදිරියට යමින් තිබෙන බවයි.
UN
