හිටපු අමාත්‍ය ගාමිණී ජයවික්‍රම පෙරේරා මහතා අද (17) පෙරවරුවේ අභාවප්‍රාප්ත වී තිබේ.
කලක් තිස්සේ රෝගාතුරව පසුවූ ඒ මහතා මියයන විට 83 වැනි වියේ පසුවිය.
කුරුණෑගල දිස්ත්‍රික්කය නියෝජනය කරමින් එක්සත් ජාතික පක්ෂයෙන් දේශපාලනයට පිවිසි ඒ මහතා වාරිමාර්ග හා ජල කළමනාකරණ, ආහාර සුරක්ෂිතතා, තිරසර සංවර්ධන හා වනජීවී සහ බුද්ධ ශාසන අමාත්‍ය ධුර දරා තිබිණි.
එමෙන්ම ඒ මහතා කලක් එක්සත් ජාතික පක්ෂයේ සභාපති තනතුර ද දරා ඇත.
අභාවප්‍රාප්ත වූ ඒ මහතාගේ දේහය කුරුණෑගල, කටුගම්පල පිහිටි ඒ මහතාගේ නිවසේ තැන්පත් කිරීමට නියමිත අතර අවසන් කටයුතු පිළිබඳව පවුලේ ඥාතීන් විසින් ඉදිරියේදී දැනුම් දීමට නියමිත ය.
RN
