RN

කොවිඩ් වසංගත තත්වය නිසා තම වැඩපිළිවෙල ක්‍රියාත්මක කරගැනීමට නොහැකිව ධුර කාලයෙන් අහිමි වූ වසර දෙක නැවත ලබාගැනීමට ජනමත විචාරණයක් පැවැත්වීමට තමන්ට මහනුවරදී තරුණයෙකු යෝජනා කළ බව ජනාධිපති ගෝඨාභය රාජපක්ෂ මහතා පවසයි.

ආණ්ඩුව අද භුක්ති විදිමින් සිටින්නේ ජාතිවාදය ජාතිභේදය, ආගම්වාදය වැපිරීමේ සාපය බව විපක්ෂ නායක සජිත් ප්‍රේමදාස මහතා පවසයි.

චීන විදේශ කටයුතු අමාත්‍ය වැන්ග් යී මහතා දෙදින නිල සංචාරයක් සඳහා ඊයේ (08) රාත්‍රියේ මෙරටට පැමිණියේය.

සන්ඩේ ලීඩර් පුවත්පතේ කර්තෘ ලසන්ත වික්‍රමතුංග මහතා ඝාතනය කර අදට (08) වසර 13ක් සපිරේ. 2009 ජනවාරි 08 වනද දින උදෑසන, රත්මලාන අධි ආරක්ෂිත කලාපය සමීපයෙහිදී නාඳුනන පුද්ගලයින් දෙදෙනෙකු විසින් විශේෂ ආයුධයකින් ඇන ඔහුව ඝාතනය කරනු ලැබිණි. මෙතෙක් ඒ පිළිබඳව කිසිවෙකුට එරෙහිව නීතිය ක්‍රියාත්මක කර නොමැති අතර මේ සම්බන්ධයෙන් යුක්තිය ඉටුවෙන ආකාරයක් පෙනෙන්නටවත් නොමැත.

ජනතාවට සහන ලබාදුන්නේ ඡන්දයක් පැවැත්වීමේ අදහසකින් නොව භාණ්ඩ මිල ඉහළ යෑමෙන් ජනතාව පත්ව ඇති අසීරුතා සලකා බලා බව අග්‍රාමාත්‍ය මහින්ද රාජපක්ෂ මහතා පවසයි.