දේශපාලන පුවත්

ලංකා ලුණු සංස්ථාවේ සභාපති ධුරය බලාපොරොත්තුවෙන් හම්බන්තොට නගරාධිපති තනතුරෙන් ඉල්ලා අස්වුවද මේ වනවිට එම තනතුරු දෙකම අහිමි වී සිටින එරාජ් ප්‍රනාන්දු මහතා සමගි ජන බලවේගයට එක්වීමට උත්සාහ දරමින් සිටින බව වාර්තා වේ.

වත්මන් ආර්ථික අර්බුදයට වගකිවයුත්තේ කවුරුන්දැයි සොයමින් තර්ක කිරීමෙන් මේ මොහොතේ ප්‍රතිඵලයක් නොමැති බවත් ජාත්‍යන්තර මූල්‍ය අරමුදල විසින් ශ්‍රී ලංකාව සම්බන්ධයෙන් නිකුත් කරන වාර්තාව පිළිබඳව පාර්ලිමේන්තුවේ සාකච්ඡා කර සියලු පක්ෂ යම්කිසි එකඟතාවකට පැමිණිය යුතු බවත් හිටපු අග්‍රාමාත්‍ය, එක්සත් ජාතික පක්ෂ නායක රනිල් වික්‍රමසිංහ මහතා අවධාරණය කරයි.

වර්තමානයේ රටේ ඇත්තේත් පික් පොකට් ගහන ආණ්ඩුවක් බවත් ඒ ආණ්ඩුව ජනතාව ගැන කල්පනා නොකරන බවත් මේ පික් පොකට් ආණ්ඩුව ගෙදර යැවීම සඳහා සියලු බලවේග ඒකරාශී කරන බවක් විපක්ෂ නායක සජිත් ප්‍රේමදාස මහතා පවසයි.

ලංකා ලුණු සංස්ථාවෙහි සභාපති ධුරය සඳහා හම්බන්තොට නගරාධිපති එරාජ් ප්‍රනාන්දු මහතාව පත්කිරීමට නියමිත බැවින් ඒ මහතා පෙබරවාරි 10 වනදා සිය තනතුරින් ඉල්ලා අස්වනු ඇති බව ලංකා නිව්ස් වෙබ් අපි පසුගිය 02 වනදා වාර්තා කළෙමු.

ඊයේ (09) අනුරාධපුර සල්ගාදු පිටියේදී පැවැත්වූ ශ්‍රී ලංකා පොදුජන පෙරමුණේ දැවැන්ත රැලියේදී අග්‍රාමාත්‍ය මහින්ද රාජපක්ෂ මහතාගේ වටිනා ඔරලෝසුවක් අස්ථානගත වී ඇති බවට පැතිර යන පුවත් සම්පූර්ණයෙන්ම අසත්‍ය බව ආරංචිමාර්ග පවසයි.