1150 x 80 px
තැපැල් ඡන්ද පත්‍රිකා නිකුත් කිරීම කල්යයි!

එළඹෙන පළාත් පාලන මැතිවරණය සඳහා තැපැල් ඡන්ද පත්‍රිකා නිකුත් කිරීම අද(11) සිට ක්‍රියාත්මක වීමට නියමිතව තිබුණද එය කල් දමා ඇති බව මැතිවරණ කොමිෂන් සභාව මාධ්‍ය නිවේදනයක් නිකුත් කරමින් දැනුම් දෙයි.

ඒ අනුව උතුරු පළාතේ සහ මඩකළපුව දිස්ත්‍රික්කයේ තැපැල් ඡන්ද පත්‍රිකා නිකුත් කිරීම ජනවාරි 12 වෙනිදා සිදුවන අතර අනිකුත් දිස්ත්‍රික්කවල තැපැල් ඡන්ද පත්‍රිකා ජනවාරි 13 වෙනිදා නිකුත් කෙරේ. නමුත් ගම්පහ සහ කුරුණෑගල දිස්ත්‍රික්කවල 2018 ජනවාරි 12 දිනට නියම කර තිබූ තැපැල් ඡන්ද නිකුත් කිරීම ඒ අයුරින්ම සිදුවේ.

තැපැල් ඡන්ද පත්‍රිකා සමඟ ඡන්ද දායකයන් වෙත යැවීමට නියමිත අපේක්ෂක නාමලේකනය හෙවත් ගෘහ දැන්වීම රජයේ මුද්‍රණාලයෙන් ලැබීමේ ප්‍රමාදය හේතුවෙන් මෙසේ කල් දැමීමට සිදුව ඇතැයි වාර්තා වේ.

Additional Info

මෙම පුවත පිළිබඳව යම් පාර්ශවයකට අගතියක් සිදුවූයේ නම් ඒ සම්බන්ධයෙන්  ප්‍රතිචාර දැක්වීමට ඔබට අයිතියක් ඇති බව අප පිළිගනිමු. ඒ අනුව ඔබගේ ප්‍රතිචාරය editor@lankanewsweb.net වෙත යොමු කරන්න

Top