කොළඹ LNW: 13 වන ව්‍යවස්ථා සංශෝධනය මුළුමනින් ක්‍රියාත්මක කිරීමට අවශ්‍ය නම් වහා ජනාධිපතිවරණයක් කැඳවා ජනවරමක් ලබාගත යුතු බව මහාචාර්ය පුජ්‍ය මැදගොඩ අභයතිස්ස හිමියෝ පවසති.
උන්වහන්සේ සඳහන් කරන්නේ ආණ්ඩුවේ තවමත් ඉන්නේ රට හැදීමට ගෝඨාභය ජනාධිපතිවරයා ට සහය දීම සඳහා පත්කළ මන්ත්‍රීවරු බවයි.
13 වැනි ආණ්ඩුක්‍රම ව්‍යවස්ථා සංශෝධනය ක්‍රියාත්මක කිරීම සඳහා වත්මන් ජනධිපතිවරයාට කිසිදු ජනවරමක් නොමැති බව උන්වහන්සේ ප්‍රකාශ කරති.
“ජනාධිපතිවරණයක් ප්‍රකාශයට පත්කරලා, 13 වන ව්‍යවස්ථා සංශෝධනය මුළුමනින් ක්‍රියාත්මක කිරීම සඳහා මට බලය දෙන්න කියලා ජනතාවගෙන් බලය ඉල්ලන්න. එතකොට ජනතාව ඔහුට බලය දෙන්න සුදානම් නම් ඔන්න ඔහුට අයිතිය තියෙනවා එය ක්‍රියාත්මක කරන්න එතෙක් කිසිදු අයිතියක් මේ ජනවරම තුළ නෑ කියන එක අපි මතක් කරන්න ඕනේ. මේකේ ඇවිල්ලා ඉන්නේ ආණ්ඩුවේ මන්ත්‍රීවරු ඔක්කෝම මේ රට හදන්න ගෝඨාභය ජනාධිපතිවරයා ට සහය දෙන්න කියලා අපි කියලා පත්කරපු මිනිස්සු. තාමත් අපේ රටේ සමහර හාමුදුරුවරු කුඩු කෑවා වගේ නිහඬව මේ ව්‍යවසනය ඉදිරියේ බලාසිටීම අපිට කොහෙත්ම අනුමත කරන්න බෑ” යනුවෙන් උන්වහන්සේ අවධාරණය කරති.
ASK
