Tag: පොලිස්පති

රඹුක්කන මහජන විරෝධයට පොලීසිය වෙඩි තබා ඇත්තේ පොලිස්පතිවරයා විසින් ලබා දී තිබූ උපදෙස් ද නොතකමින් බවට අද (22) මානව හිමිකම් කොමිසමේදී ආනාවරණය වී තිබේ.

රඹුක්කන මහජන විරෝධයට වෙඩි තැබීම සහ එයින් පුද්ගලයෙකු මිය යාම මෙන්ම තවත් පිරිසක් බරතල ලෙස තුවාල ලැබීමේ සිද්ධිය සම්බන්ධයෙන් කරුණු විමසීම සඳහා අද (22) ශ්‍රී ලංකා මානව හිමිකම් කොමිසම විසින් පොලිස්පතිවරයාව කැඳවා තිබුණි.

රඹුක්කන ප්‍රදේශයේ ජනතාව ඊයේ දිනයේ සිදුකළ විරෝධතාව අතරතුර පිරිසක් ඉන්ධන බවුසරයකට ගිනිතැබීමට උත්සාහ කළ බවත් එය වැළැක්වීම සඳහා බැටන් ප්‍රහාරයක් සහ කඳුළු ගෑස් ප්‍රහාරයක් එල්ල කළ බවත් ඒ අවස්ථාවේදී පිරිසක් පොලිස් නිලධාරීන්ට ගල්වලින් පහරදීම නිසා අවම බලය පාවිච්චි කරමින් වෙඩි තැබීමට සිදුවුණු බවත් පොලිස්පති චන්දන වික්‍රමරත්න මහතා පවසයි.