කඳු මුදුන් ඉස්මත්තෙ
කොළ හැලුණු රබර් ගස්
ඇසේ තතනනු දුරට
අලුත් දළු ලියලන්න
ප්රශව වේදනාවෙන්
විඳින අඟනුන් විලස
හැලුණු කොළ සුළඟ සහ
හැම තැනම කසු කුසුව
දුර ඈත කොහේ හරි
වන්දනාවක යන්න
වැහි බිංදුවක් පතා
දෑත් ඉහලට නගා
නිබඳ දෙවියන් යදින
වියළි දර දඬු ඉපල්
කුරුලු පැටවුන් වඩා
උන් විඳින දුක කියති
රබර් ගස් වල ළදළු
බිළින්දන් මෝරන්න
වියලි ගස් සිරුරුවල
ලේ කිරට බේරෙන්න
ලැයින්වල දරුවන්ගෙ
කුස ගින්න සේදෙන්න
කොළ නිවාඩුව ගෙවී
වසන්තය යලි එන්න
- ජයවඩු විතාන
කළාලයක් වියමුව අපි පද්ය සංග්රහය
1984
SM