Friday, March 31, 2023
spot_img

Latest Posts

කොළ නිවාඩුව

කඳු මුදුන් ඉස්මත්තෙ
කොළ හැලුණු රබර් ගස්
ඇසේ තතනනු දුරට
අලුත් දළු ලියලන්න
ප්‍රශව වේදනාවෙන්
විඳින අඟනුන් විලස

හැලුණු කොළ සුළඟ සහ
හැම තැනම කසු කුසුව
දුර ඈත කොහේ හරි
වන්දනාවක යන්න

වැහි බිංදුවක් පතා
දෑත් ඉහලට නගා
නිබඳ දෙවියන් යදින
වියළි දර දඬු ඉපල්
කුරුලු පැටවුන් වඩා
උන් විඳින දුක කියති

රබර් ගස් වල ළදළු
බිළින්දන් මෝරන්න
වියලි ගස් සිරුරුවල
ලේ කිරට බේරෙන්න
ලැයින්වල දරුවන්ගෙ
කුස ගින්න සේදෙන්න
කොළ නිවාඩුව ගෙවී
වසන්තය යලි එන්න

  • ජයවඩු විතාන
    කළාලයක් වියමුව අපි පද්‍ය සංග්‍රහය
    1984

SM

LEAVE A REPLY

Please enter your comment!
Please enter your name here

Latest Posts

spot_img
spot_img

Don't Miss

Stay in touch

To be updated with all the latest news, offers and special announcements.