ඉතාලියේ දුම්පානයට නව නීති!

රෂිකා හෙන්නායක , ජනවාරි 02, ලෝකය (අවුට්බවුන්ඩ් ටුඩේ):

2025 ජනවාරි 1 වන දින සිට ඉතාලියේ මූල්‍ය හා විලාසිතා අගනුවර වන මිලාන්හි වීදි ඇතුළු සියලුම පොදු ස්ථානවල දුම්පානය තහනම් කර ඇති බව එරට මාධ්‍ය වාර්තා කරයි. මෙම නීතියට අනුගත නොවන ඕනෑම අයෙක් ඩොලර් 41 ත් 249 ත් අතර දඩයකට යටත් වන බව (€40 – €240) සඳහන් වේ.

මෙම පියවර ඉතාලියේ දැඩිම දුම්පාන තහනම සනිටුහන් කරන බවයි වාර්තා වන අතර, මිලාන් ජනගහනයෙන් හතරෙන් එකක් පමණ දුම් පානය කරන බව එරට සෞඛ්‍ය අමාත්‍යාංශය පවසයි.

මිනිසුන් අනෙක් පුද්ගලයින්ගෙන් අවම වශයෙන් මීටර් 10 ක් දුරින් හුදකලා ස්ථානවල සිටින විට දුම් පානයට අවසර තිබීම එකම අවස්තාව ලෙස සැලකේ.

සෞඛ්‍ය අමාත්‍යාංශය පවසන්නේ, මෙම තහනම වාෂ්ප හෝ ඉලෙක්ට්‍රොනික සිගරට් සඳහා ඇතුළත් නොවන අතර මෙය සෞඛ්‍යයට වඩා වායු දූෂණය කෙරෙහි වැඩි අවධානයක් යොමු කරමින් ගත් පියවරක කොටසක් බවයි.