කොළඹ LNW:ආණ්ඩුව තමන්ගේම වල තමන් විසින්ම කපා ගනිමින් සිටින බව ශ්රී ලංකා පොදුජන පෙරමුණේ ජාතික සංවිධායක පාර්ලිමේන්තු මන්ත්රී නාමල් රාජපක්ෂ මහතා පැවසීය.
විපක්ෂයේ කාර්යභාරය වන්නේ ජනතාවට දුන් පොරොන්දු ඉටු කරන ලෙසට ආණ්ඩුවට බලපෑම් කිරීම බවයි මන්ත්රීවරයා සඳහන් කළේ.
සීනිගම පැවති උත්සවයකදී මාධ්ය අමතමින් නාමල් රාජපක්ෂ මහතා මේ බව පැවසූ අතර එහිදී ඔහු තවදුරටත් පැවසුවේ ජාතික ජනබලවේගය පසුගිය වසර පුරා විවිධ ප්රවර්ධන සහ දේශපාලන ක්රියාකාරකම් සිදු කළ බවත්, එම කාල පරිච්ඡේදය මහජනතාවට විශේෂයෙන් දුෂ්කර වූ බවත්ය.
ජාතික ජන බලවේගයේ රජය බලයට පත්වීමෙන් පසු දරාගත නොහැකි ලෙස ජනතාව මත බදු පැනවීමෙන් මෙන්ම ස්වාභාවික විපත් වලින්ද ජනතාව දැඩි ලෙස පීඩාවට පත් වූ බව ඔහු පැවසීය.
ජීවිත බේරා ගත හැකිව තිබූ අවස්ථාවලදී පවා රජය කඩිනම් ක්රියාමාර්ග ගැනීමට අපොහොසත් වී ඇති අතර මහජනතාවට දුන් ප්රධාන පොරොන්දු ඉටු කිරීමටද අපොහොසත් වී ඇති බව නාමල් රාජපක්ෂ තවදුරටත් සඳහන් කරන ලදී.
බොහෝ දෙනෙකුට අලුත් අවුරුද්දට අඩිය තැබීමට සිදුවූයේ ආරක්ෂිත මධ්යස්ථානවල සහ තාවකාලික කඳවුරුවල රැඳී සිටිමින්, ඔවුන්ගේ ජීවිත සහ ඔවුන්ගේ නිවාස පිළිබඳව අවිනිශ්චිතව සිටිමින් බවත් හෙතෙම් පැවසීය.
ආපදාවලින් පීඩාවට පත් වූවන්ට ජනාධිපතිවරයා වන්දි ලබා දෙන බවට පොරොන්දු වූ බවද එම පොරොන්දු තවමත් ඉටුකර නොමැති බවයි නාමල් රාජපක්ෂ මන්ත්රීවරයා කියාසිටියේ.
ඒ අනුව ආණ්ඩුව වන්දි ලබා දීමට ප්රමුඛත්වය දිය යුතු බවත්, අවතැන් වූ පවුල් ඔවුන්ගේ නිවෙස්වල නැවත පදිංචි කිරීමට කඩිනම් පියවර ගත යුතු බවත් ඔහු අවධාරණය කළේය. විපක්ෂ පක්ෂ විසින් ගනු ලබන ක්රියාමාර්ග කෙරෙහි රජය අවධානය යොමු නොකරන නමුත්, ජනතාවට දුන් පොරොන්දු ඉටු කළ යුතු බවත් ඔහු අවධාරණය කළේය.
කෙසේවෙතත් ශ්රී ලංකා පොදුජන පෙරමුණ ලෙස, අපි අපගේ වගකීම් අඛණ්ඩව ඉටු කරන බවත් නාමල් රාජපක්ෂ මන්ත්රීවරයා වැඩිදුරටත් පැවසීය.
