ඇමරිකාව විසින් වෙනිසියුලාවට පහරදී එරට ජනාධිපති නිකොලස් මදුරෝ මහතාව පැහැරගෙන යාම මේ වනවිට ලෝකයම කතාවෙන ප්රධානතම මාතෘකාව වෙලා තියෙනවා.
වෙනදා නම් සාමාන්යයෙන් වෙනිසියුලාවට ඇමරිකාව ලෙඩක් දාපු ගමන් කොළඹ පිහිටි ඇමරිකානු තානාපති කාර්යාලය ඉදිරිපිට උද්ඝෝෂණය කරන්නේ ජනතා විමුක්ති පෙරමුණ. නමුත් දැන් ඔවුන් මාලිමාව හරහා ආණ්ඩු බලය ලබාගෙන ඉන්න නිසා ඒ සෙල්ලම කරන්න බැහැ. ඒ වගේම තමන්ගෙ අධිරාජ්ය විරෝධී – වාමාංශික නම රැකගන්න නම් කටපියාගෙන ඉඳලාත් බැහැ.
අනිත් අතට මේ මොහොතේ ලංකාව ඇතුළේ ඇමරිකන් විරෝධී – අධිරාජ්ය විරෝධී – වෙනිසියුලා හිතවාදී සටන වෙනත් පාර්ශ්වයක් අතට ගත්තොත් ඒකත් ආණ්ඩුවට සෑහෙන කරදරයක් වෙනවා. විශේෂයෙන් මේ වෙලාවේ විමල් වීරවංශ සහ උදය ගම්මන්පිල මේ වැඩේට බහීවි කියලා ආණ්ඩුවේ පාර්ශ්වය ටිකක් අවුලෙන් ලු ඉන්නේ. ඊයේ (03) රෑත් ආණ්ඩුවට සම්බන්ධ ඉහළම තැනකත් මේ ගැන සාකච්ඡාවක් සිද්ධ වුණා ලු.
කොහොමින් කොහොමින් හරි අද දවල් වෙද්දී ජනතා විමුක්ති පෙරමුණ ඇමරිකාව කරපු ආක්රමණික මැදිහත් වීම තරයේ හෙළාදකිනවා කියලා නිවේදනයක් නිකුත් කරලා තිබුණා. එතනින් විතරක් ජාම බේරාගෙන ඉන්න පුළුවන් වෙයිද කියන එක ගැන කට්ටිය සැකෙන් ලු ඉන්නේ ….
