කරාපිටිය ශික්ෂණ රෝහලේ ප්රතිකාර ලබමින් සිටි ගාල්ල බන්ධනාගාරයේ රැඳවියෙකු ඊයේ (03) දහවල් මියගොස් ඇති බව වාර්තා වේ.
මෙසේ මියගොස් ඇත්තේ උණ රෝගයකින් පෙළෙමින් සිටි 28 හැවිරිදි තරුණයෙකි.
ඔහුත් සමග ගාල්ල බන්ධනාගාරයේ සිව්දෙනෙකු උණ රෝගයක් හේතුවෙන් කරාපිටිය රෝහලට ඇතුළත් කර තිබී ඇත.
අදාළ රැඳවියාගේ මරණයට හේතුව මෙනින්ජයිටිස් හෙවත් මොළේ උණ රෝගය බවට සැක කරන අතර පශ්චාත් මරණ පරීක්ෂණය අද (04) දිනයේදී සිදුකිරීමට නියමිත ය.
මීට පෙර මෙනින්ජයිටිස් රෝගය හේතුවෙන් මාතර බන්ධනාගාරයේ රැඳවියන් දෙදෙනෙකු මියගොස් තිබිණි.
RN
![](https://sinhala.lankanewsweb.net/wp-content/uploads/2024/01/LNW-Newsroom-ad-at-the-bottom-Sin-26-1024x137.png)