2024 ජනාධිපතිවරණයට ඉදිරිපත් වන්නේද නැද්ද යන්න පිළිබඳව ජනාධිපති රනිල් වික්‍රමසිංහ මහතා මුලින් සිය ස්ථාවරය ප්‍රකාශ කළයුතු බවත් ශ්‍රී ලංකා පොදුජන පෙරමුණේ ජනාධිපතිවරණ අපේක්ෂකයා කවුරුන්ද යන්න ඉන් පසුව ප්‍රකාශයට පත් කළ හැකි බවත් රාජ්‍ය අමාත්‍ය දිළුම් අමුණුගම මහතා පවසයි.
ප්‍රශ්නය – ශ්‍රී ලංකා පොදුජන පෙරමුණේ ජනාධිපතිවරණ අපේක්ෂකයා කවුද ? ඇයි රටට කියන්නේ නැත්තේ බයද ?
“නෑ, අපි බය නෑ. පළවෙනියටම ජනාධිපතිතුමා එතුමාගේ ස්ථාවරය පවසන්න ඕනෙ. ඊටපස්සේ තමයි ශ්‍රී ලංකා පොදුජන පෙරමුණ තීන්දුවක් ගන්නේ. මොකද ශ්‍රී ලංකා පොදුජන පෙරමුණේ බහුතර ඡන්දයෙන් ඡන්ද 134ක් අරගෙන තමයි එතුමා මේ රටේ ජනාධිපතිවරයා හැටියට පත්වුණේ. එතුමාගේ ස්ථාවරය, එතුමා තරග කරනවාද, එතුමා අපේ සහාය බලාපොරොත්තු වෙනවාද, එතුමා එක්සත් ජාතික පක්ෂයේ අපේක්ෂකයා හැටියට තරග කරනවාද, නැත්නම් එතුමා සහ අපි සන්ධානයකින් තරග කරනවාද කියන ස්ථාවරය ජනාධිපතිතුමා ප්‍රකාශ කළ යුතුයි. ඒ ස්ථාවරය අනුව තමයි ශ්‍රී ලංකා පොදුජන පෙරමුණ තීන්දුවක් ගන්නේ වෙනම අපේක්ෂකයෙක් දානවද, එතුමාට සහාය දෙනවාද, මොනවද කරන්නේ කියන එක සම්බන්ධව. එතුමාට අපි මේක කියලා තියෙනවා, එතුමා ඉදිරියේදී පක්ෂයත් එක්ක එතුමාගේ ස්ථාවරය ප්‍රකාශ කරයි”
දිළුම් අමුණුගම මහතා මේ බව පැවසුවේ ඊයේ (03) මහනුවර ප්‍රදේශයේදී මාධ්‍ය වෙත අදහස් දක්වමිනි.
RN
