සටහන – රෂිකා හෙන්නායක
ජනවාරි 04 කොළඹ (LNW): ඊයේ (03) රාත්රී සිදු වූ රිය අනතුරකින් දක්ෂිණ අධිවේගී මාර්ගයේ කුරුඳුගහහැතැප්ම සිට බද්දේගම අතර ප්රදේශයේදී මවක සහ දියණියක මියගොස් ඇත.
අම්බලන්තොට, බැරගම පදිංචි, ලංකා බැංකුවේ බරවකුඹුක ශාඛාවේ සහකාර කළමනාකාරිය ලෙස කටයුතු කළ සමරසිංහ කොඩිතුවක්කු ආරච්චිගේ උමේශිකා මධුමි (32) සහ ඇගේ මව එදිරිමුණි රීටා හැරියට් ද සොයිසා (56) යන දෙදෙනා මෙලෙස මියගොස් ඇත.
පොලිසිය පවසන්නේ, මෙම අනතුර සිදුව ඇත්තේ කුරුඳුගහහැතැප්ම පිවිසුමේ සිට ගාල්ල දෙසට කිලෝමීටර තුනක් දුරින් බවයි.
මියගිය දියණිය තම මව වෛද්යවරයකුට පෙන්වා බෙහෙත් ගැනීම සඳහා වෑන් රථයකින් කොළඹ ගොස් ආපසු එන අතරතුර මෙම අනතුර සිදුව තිබිණි.
වෑන් රථය ඉදිරියෙන් ගමන් කළ ලොරියක හැපී අනතුර සිදුව ඇති බවත් , මෙම අනතුරින් වෑන් රථයේ රියදුරු ඇතුළු 06දෙනෙකු තුවාල ලබා තිබුණු බවත්පොලිසිය පවසයි.
මව කරාපිටිය ශික්ෂණ රෝහලට ඇතුළත් කරන විටත් මියගොස් සිටි බවත් රෝහල්ගත කරන විට අසාධ්ය තත්ත්වයෙන් පසුවූ දියණිය අද(04) උදෑසන මියගිය බවත් වෛද්යවරු කියයි.
අද (04) දහවල් කරාපිටිය රෝහලේ දී එම මරණ සම්බන්ධ පශ්චාත් මරණ පරීක්ෂණ සිදුකිරීමට නියමිතව තිඹුනු බව වැඩිදුරටත් වාර්තා වේ.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත👇👇
