කොළඹ LNW: වැට් බදු සංශෝධනයට අනුව සිමෙන්ති මිල රුපියල් 150 ත් 350 ත් අතර මුදලකින් ඉහළ දැමූ බව සිමෙන්ති නිෂ්පාදන සමාගම් පවසයි.
මිල ඉහළ දැමීමත් සමඟ ඇතැම් සිමෙන්ති සමාගම්වල කිලෝ 50 සිමෙන්ති කොට්ටයක මිල රුපියල් 2,300 ක් දක්වා ද, තවත් සමාගමක සිමෙන්ති කොට්ටයක මිල රුපියල් 2,450 ක් දක්වා ද, ඉහළ දමා ඇත.
බදු ඉහළ දැමීමට පෙර සමාගම් කීපයක සිමෙන්ති කොට්ටයක මිල රුපියල් 1,980 ක පැවැති අතර ඇතැම් සමාගම්වල සිමෙන්ති කොට්ටයක මිල රුපියල් 2,300 ක මිලට පැවතුණි.
මෙය යළිත් වරක් ඉදිකිරීම් ක්ෂේත්රයට බරපතල ලෙස බලපාන බවයි එම ක්ෂේත්රයේ නියැලෙන්නන්ගේ අදහස් වන්නේ.
ASK
