සටහන – රුවන් නෙළුගොල්ල
ගල්කිස්ස වටරප්පල පාරේදී අද (ජනවාරි 07) අලුයම සිදුවූ වෙඩිතැබීමකින් පුද්ගලයින් දෙදෙනෙකු මරණයට පත්ව ඇති බව වාර්තා වේ.
මෙසේ මියගොස් ඇත්තේ එම ප්රදේශයේම පදිංචි සුදත් ගෝමස් නමැති 36 හැවිරිදි අයෙකු සහ චානුක විමුක්ති පීරිස් නමැති 20 හැවිරිදි අයෙකි.
ඔවුන් දෙදෙනා නිවසේ සිටියදී යතුරුපැදියකින් පැමිණි නාඳුනන පුද්ගලයින් දෙදෙනෙකු විසින් අද අලුයම 04.45 ට පමණ මෙම වෙඩිතැබීම සිදුකර ඇති බවයි පොලීසිය සඳහන් කරන්නේ.
එහිදී 36 හැවිරිදි පුද්ගලයා එම ස්ථානයෙහිම මියගොස් ඇති අතර අනෙක් පුද්ගලයා කළුබෝවිල රෝහලට ඇතුළත් කිරීමෙන් පසු මියගොස් ඇත.
වෙඩිතැබීමට හේතුව මෙතෙක් අනාවරණය වී නොමැති අතර ගල්කිස්ස පොලීසිය වැඩිදුර විමර්ශන සිදුකරයි.
