සටහන – රුවන් නෙළුගොල්ල
මත්පැන් බලපත්‍ර අලුත් කිරීම සඳහා දේශීය ආදායම් දෙපාර්තමේන්තුවේ නිෂ්කාශනය ලබාදීම සම්බන්ධයෙන් අභියාචනාධිකරණ නියෝගයක් තිබියදීත් නිලධාරීන් ඒ අනුව කටයුතු නොකිරීම හේතුවෙන් ඇතැම් මත්පැන් බලපත්‍රධාරීන්ගේ බලපත්‍ර 2025 ජනවාරි 31 වනදා දක්වා පමණක් අලුත් කර ඇති අතර මෙය තමන්ගේ වරදක් හේතුවෙන් සිදුවූවක් නොවන නිසා වසරේ ඉදිරි කාලයට බලපත්‍ර අලුත් කිරීමේදී මුද්දර ගාස්තු අයකිරීමක් සිදු නොකරන ලෙස ශ්‍රී ලංකා මත්පැන් බලපත්‍රධාරීන්ගේ සංගමය සුරාබදු කොමසාරිස් ජනරාල් උදය කුමාර පෙරේරා මහතාට ලිඛිතව දැනුම් දී තිබේ.
ඒ අනුව මේ සම්බන්ධයෙන් 2025 ජනවාරි 15 වනදාට පෙර සුරාබදු දෙපාර්තමේන්තුව සහ දේශීය ආදායම් දෙපාර්තමේන්තුව එකතුව හෝ සුරාබදු ආඥා පනත යටතේ සාදන ලද රීතීන්ට අනුව සුරාබදු දෙපාර්තමේන්තුව පියවර නොගන්නේ නම් අධිකරණ නියෝගය ප්‍රකාරව කටයුතු නොකිරීම සම්බන්ධයෙන් උසාවියට අපහාස කිරීමේ චෝදනාව යටතේ ගරු අධිකරණයෙහි නඩුවක් ගොනු කිරීමට සිදුවන බවයි එම සංගමය වැඩිදුරටත් දැනුම් දී ඇත්තේ.
ශ්‍රී ලංකා මත්පැන් බලපත්‍රධාරීන්ගේ සංගමය විසින් සුරාබදු කොමසාරිස් ජනරාල්වරයා වෙත යොමුකරන ලද ලිපිය පහතින් දැක්වේ.
සබැඳි පුවත් –
