සටහන – රුවන් නෙළුගොල්ල
ශ්‍රී ලංකාවට ගිනිකොණ දෙසින් බෙංගාල බොක්ක මුහුදු ප්‍රදේශයේ පවතින ගැඹුරු පීඩන අවපාතය තවදුරටත් වර්ධනය වෙමින් වයඹ දෙසට ගමන් කර අද (ජනවාරි 09) සවස් කාලයේදී පොතුවිල් සහ ත්‍රිකුණාමලය අතර වෙරළ තීරය හරහා ගමන් කිරීමට බොහෝදුරට ඉඩ ඇති බව කාලගුණ විද්‍යා දෙපාර්තමේන්තුව පවසයි.
මෙම පද්ධතිය ඉදිරි පැය 24 තුළදී සුළිකුණාටුවක් දක්වා වර්ධනය වීමේ හැකියාවක් පවතින බවයි එම දෙපාර්තමේන්තුව වැඩිදුරටත් සඳහන් කරන්නේ.
ඒ අනුව 2026 ජනවාරි 10 වනදා පෙරවරු 04.00 දක්වා වලංගු වන පරිදි අද පෙරවරු 04.00 ට කාලගුණ විද්‍යා දෙපාර්තමේන්තුව විසින් නිකුත් කරන ලද සවිස්තරාත්මක රතු නිවේදනය පහතින් දැක්වේ.
