පොලිසිය විසින් අත් අඩංගුවට ගැනීමට උත්සාහ කරද්දී පැන ගිය සැකකරුවකුගේ මළ සිරුරක් කුඩා වතුර වළක තිබියදී පෙරේදා (07) හමුවී ඇති අතර එම මරණය සම්බන්ධයෙන් සැකකරුගේ ඥාතීන්ගෙන් පොලිසිය වෙත චෝදනා එල්ල වී තිබේ.
චෝදනා කිහිපයක් සම්බන්ධයෙන් වරෙන්තු ලබාසිටි අදාළ සැකකරු ත්රිකුණාමල පුල්මුඩේ මාර්ගයේ යාන් ඔය ප්රදේශයේදී කුච්චවේලි පොලිසිය විසින් අත් අඩංගුවට ගැනීමට උත්සාහ කර තිබුණු අතර එහිදී ඔහු පොලිසියෙන් මිදී පළාගොස් තිබිණි.
පසුව ඔහුගේ මළ සිරුර යාන් ඔය අසල කුඩා වතුර වළක තිබියදී හමුවී ඇත.
අදාළ සැකකරුගේ මරණය සම්බන්ධ මරණ පරීක්ෂණය ඊයේ (08) ත්රිකුණාමල මහ රෝහලේදී පැවති නමුත් සැකකරුගේ ඥාතීන් එම මරණ පරීක්ෂණ වාර්තාව බාරගැනීම ප්රතික්ෂේප කර ඇති අතර ඔවුන් චෝදනා කර ඇත්තේ මරණය සැක සහිත බවටයි.
RN
