දකුණු පළාතේ බැංකුවල ATM යන්ත්‍රවලින් රුපියල් කෝටියකට අධික මුදලක් සොරකම් කිරීමේ සිදුවීමට අදාළව පොලිස් ස්ථානාධිපතිවරයකු සහ විදේශිකයින් දෙදෙනෙකු ඇතුළු 5 දෙනෙකු පොලිසිය විසින් අත් අඩංගුව ගෙන තිබේ.
මෙසේ අත් අඩංගුවට ගත් අය අතරින් විදේශිකයින් දෙදෙනා බල්ගේරියානු ජාතිකයින් වන අතර එයින් එක් අයකුට කැනඩාවේ පුරවැසිභාවය හිමි බවත් සඳහන්.
අත් අඩංගුවට ගත් පොලිස් නිලධාරියා මීගහතැන්න පොලිසියේ පාලන අංශයේ ස්ථානාධිපතිවරයා ය.
විදේශිකයින් දෙදෙනා කොළඹ සුපිරි මහල් නිවාස සංකීර්ණයක නවාතැන්ගෙන සිටියදී අත් අඩංගුවට ගෙන ඇති අතර පොලිස් නිලධාරියා පිටිගල, අමුගොඩ ප්‍රදේශයේදී අත් අඩංගුවට ගෙන ඇත.
අපරාධ පරීක්ෂණ දෙපාර්තමේන්තුවේ පරිගණක අපරාධ කොට්ඨාසය වැඩිදුර විමර්ශන සිදුකරයි.
RN
