2024 වසර සඳහාත් එක්සත් ජාතික පක්ෂයේ මහලේකම්වරයා වශයෙන් පාලිත රංගේ බණ්ඩාර මහතාවම පත්කර තිබේ.
එජාප නායක, ජනාධිපති රනිල් වික්‍රමසිංහ මහතාගේ ප්‍රධානත්වයෙන් පසුගියදා පැවැති පක්ෂ කළමනාකරණ කමිටු රැස්වීමේදී මෙම තීරණය ගෙන ඇති අතර ඊට අදාළ පත්වීම් ලිපිය සිරිකොත ප්‍රධාන විධායක නිලධාරී ශමල් සෙනරත් මහතා විසින් පාලිත රංගේ බණ්ඩාර මහතා වෙත පිටකෝට්ටේ සිරිකොත පක්ෂ මූලස්ථානයේ දී ප්‍රදානය කර ඇත.
මෙතෙක් පක්ෂ මහලේකම් ධුරය දැරූ රංගේ බණ්ඩාර මහතා වෙනුවට මේ වසරේදී රවී කරුණානායක මහතාව එම තනතුර සඳහා පත්කෙරෙනු ඇති බවට පසුගිය මාස කිහිපය තුළ ආරංචි පැතිර ගොස් තිබුණ ද එවැන්නක් සිදුවී නොමැත.
RN
