2012 වර්ෂයේ වැලිකඩ බන්ධනාගාරයේ ඇතිවූ කෝලාහල වලදී පුද්ගලයන් 08 දෙනෙකු ඝාතනය වීමට අදාළ නඩුවේ විත්තිකරු වූ හිටපු බන්ධනාගාර කොමසාරිස් එමිල් රන්ජන් ළමාහේවාට මරණ දඬුවම නියම කර තිබේ.
ඒ එම නඩුව අද (12) දින කොළඹ ත්‍රිපුද්ගල මහාධිකරණ විනිසුරු මඬුල්ල හමුවේ කැඳවූ අවස්ථාවේ ය.
එමෙන්ම, එම සිදුවීමට චෝදනා ලැබ සිටි පොලිස් මත්ද්‍රව්‍ය නාශක කාර්යාංශයේ හිටපු පොලිස් පරීක්ෂක නියෝමාල් රංගජීව නිදොස් කොට නිදහස් කරන ලෙස ද අධිකරණය තීන්දු කර ඇත.
ගිහාන් කුලතුංග, ප්‍රදීප් හෙට්ටිආරච්චි හා මංජුල තිලකරත්න යන විනිසුරුවරුන්ගෙන් සමන්විත ත්‍රිපුද්ගල මහාධිකරණය විසින් මෙම තීන්දුව නියම කර ඇත.
MIAP
