කොළඹ LNW:දිනකට නිකුත් කරන විදෙස් ගමන් බලපත්‍ර සංඛ්‍යාව වැඩිකිරීමට පියවර ගෙන තිබේ.
ඒ සම්බන්ධයෙන් විෂය භාර මහජන ආරක්ෂක අමාත්‍යාංශය පවසන්නේ දිනකට විදෙස් ගමන් බලපත්‍ර 2500බැගින් නිකුත් කිරීමට පියවර ගෙන ඇති බවයි.
මීට පෙර දිනකට නිකුත්කර ඇත්තේ එම ගමන් බලපත්‍ර 1,200 ක් වන අතර කිසියම් කෙනෙකුට හදිසියේ විදේශගත වීමට අවශ්‍ය නම් ඒ සදහා ගමන් බලපත්‍ර ලබා ගැනීමට වෙනම කවුළුවක් ද විවෘත කර තිබේ.
එම කවුළුවට ඉදිරිපත් කරන අයැදුම්පත් කමිටුවක් මගින් සලකා බලා හැකි ඉක්මණින් ගමන් බලපත්‍ර ලබා දීමට පියවර ගන්නා බව මහජන ආරක්ෂක අමාත්‍යාංශය පවසයි.
ආශිකා බ්‍රාහ්මණ
