සටහන – රුවන් නෙළුගොල්ල
කොළඹ මහ නගරසභාවේ අයවැය සඳහා දෙවැනි වර ඡන්ද විමසීමේදී ජාතික ජන බලවේගයට පක්ෂව ඡන්දය ප්රකාශය කළේ යැයි චෝදනා කරමින් කොළඹ නාගරික මන්ත්රීනී සොහාරා බුහාරී මහත්මියගේ පක්ෂ සාමාජිකත්වය අහිමි කරමින් ශ්රී ලංකා මුස්ලිම් කොංග්රසය විසින් නිකුත් කර තිබෙන ලිපියක් ක්රියාත්මක කිරීම වළක්වාලමින් කොළඹ දිසා අධිකරණය වාරණ නියෝගයක් නිකුත් කර තිබේ.
ඒ, එම මන්ත්රීවරිය ගොනු කළ පැමිණිල්ලක් සලකා බැලීමෙන් අනතුරුව ය.
දින 14ක් බලපැවැත්වෙන පරිදි මෙම වාරණ නියෝගය නිකුත් කර ඇති අතර ශ්රී ලංකා මුස්ලිම් කොංග්රසයේ නායක රවුෆ් හකිම් සහ මහලේකම් නිසාම් කාර්යාප්පර් යන අයට මේ සම්බන්ධයෙන් කරුණු දැක්වීම සඳහා අධිකරණය හමුවේ පෙනී සිටින ලෙස නොතිසි ද නිකුත් කර ඇත.
