රෂිකා හෙන්නායක ජනවාරි 14, කොළඹ LNW :
හිටපු ඇමති විමල් වීරවංශ මහතා අත් අඩංගුවට ගෙන අධිකරණයට ඉදිරිපත් කරන ලෙස දන්වා කොළඹ මහාධිකරණය වරෙන්තු නිකුත් කළ බව වාර්තා වේ.
ඒ, නිති විරෝධී ලෙස රුපියල් මිලියන 75 කට අධික වත්කම් උපයා ගැනීමේ චෝදනා සම්බන්ධයෙන් අල්ලස් කොමිසම විසින් ගොනු කර ඇති නඩුවට පෙනී නොසිටීම හේතුවෙනි. එහි විත්තිකරු ලෙස නම් කර තිබී ඇත්තේ, හිටපු ඇමති විමල් වීරවංශ මහතායි.
කොළඹ මහාධිකරණ විනිසුරු මොහොමඩ් මිහාල් මහතා විසින් මෙම නියෝගය නිකුත් කර ඇති අතර, විත්තිකරුගේ ඇපකරූවන්ට මීළග දින අධිකරණය හමුවේ පෙනී සිටින ලෙස දන්වා නොතීසි නිකුත් කරන ලෙසත් විනිසුරුවරයා නියෝග කළ බව වාර්තා වේ.
