කි‍ලෝමීටර් 04 ක් හදලා එයාලා හැදුවා වගේ විවෘත කරනවා – කිරිඇල්ල

Date:

මධ්‍යම අධිවේගී මාර්ගයෙ ඊයේ විවෘත කළ මීරිගම-කුරුණෑගල කොටස වත්මන් ආණ්ඩුව අභිමානයෙන් විවෘත කළද එහි ඉදිකිරීම් කටයුතු වැඩි ප්‍රමාණයක් සිදු කළේ යහපාලන ආණ්ඩුව මගින් බව සමගි ජන බලවේගයේ පාර්ලිමේන්තු මන්ත්‍රී ලක්ෂ්මන් කිරිඇල්ල මහතා පවසනවා. දින 52 කුමන්ත්‍රණය සිදුවන විටත් බොහෝ වැඩ අවසන් කර තිබූ බවයි කිරිඇල්ල මහතා සඳහන් කරන්නේ.

2015 වසරේ යහපාලන ආණ්ඩුව බලයට පත්වන විට අධිවේගී මාර්ගයේ වැඩ ආරම්භ කිරීම තබා මූලික මැනුම් කටයුතු පවා සිදුකර නොතිබූ බව පෙන්වා දෙන කිරිඇල්ල මහතා පවසන්නේ යහපාලන ආණ්ඩුව යටතේ මිනුම් කටයුතු සිදුකර වන්දි ගෙවා ඉඩම් අත්පත් කරගත් බවයි. 2016 ඔක්තෝබර් මාසයේදී එහි වැඩ ආරම්භ කළ බවත් දේශීය කොන්ත්‍රාත්කරුවන් 16 දෙනෙකුට ඉදිකිරීම් කටයුතු බාර දුන් ඉවත් මන්ත්‍රීවරයා පවසනවා.

මෙම මාර්ග කොටසේ සම්පූර්ණ ඉදිකිරීම් සඳහා කිසිදු විදේශ ණයක් ලබාගෙන නොතිබූ අතර මහා භාණ්ඩාගාරය මගින් ලබාගත් මුදල් පමණක් වැයකළ බවද කිරිඇල්ල මහතා පවසයි.

කිලෝමීටර් 41 න් 37 ක වැඩ යහපාලන ආණ්ඩුව සමයේදී අවසන් කර තිබූ බවත් වත්මන් ආණ්ඩුවට තිබුණේ කිලෝමීටර් 04 ක වැඩ අවසන් කිරීමට බවත් ඔහු වැඩිදුරටත් සඳහන් කරනවා. වසර දෙකක් තිස්සේ කිලෝමීටර් 04 ක ඉදිකිරීම් සිදුකළ ආණ්ඩුව අද මාර්ගය විවෘත කරන්නේ සියලු වැඩ ඔවුන් සිදුකළ ආකාරයෙන් යැයිද ලක්ෂ්මන් කිරිඇල්ල මහතා ප්‍රකාශ කරයි.

UN

Share post:

spot_imgspot_img

Popular

More like this
Related

විමල්ගේ අයථා වත්කම් නඩුව කල්යයි

සටහන - රුවන් නෙළුගොල්ල 2010 – 2014 සමයේ අමාත්‍යවරයකු ලෙස...

ඛනිජ තෙල් ගබඩා ටැංකි 06ක් ඉදිකිරීම ඇරඹේ!

කොළඹ LNW:කොළොන්නාව ඛනිජ තෙල් ගබඩා සංකීර්ණයේ, ඛනිජ තෙල් ගබඩා...

බීමත් රියදුරන් සහ අපරික්ෂාකාරී රිය පැදවීම් සම්බන්ධයෙන් පුද්ගලයින් රැසක් අත්අඩංගුවට!

රෂිකා හෙන්නායක සැප්තැම්බර් 17, කොළඹ LNW : ඊයේ (16) දිනයේ දිවයින...

ස්විස්ට්සර්ලන්ත – ශ්‍රී ලංකා පාර්ලිමේන්තු මිත්‍රත්ව සංගමයේ තවත් අදියරක්!

කොළඹ LNW: ස්විස්ට්සර්ලන්ත - ශ්‍රී ලංකා පාර්ලිමේන්තු මිත්‍රත්ව සංගමය...