සටහන – නිශ්මං රණසිංහ
ජනවාරි 17 කොළඹ (LNW): යළි පිබිදෙන සුදර්ශිය ලෙස නූතණත්වයට ගැලපෙන පරිදි සැකසෙන සිංහල සංස්කෘතික ආයතනයේ තවත් පෙර පුහුණුවට සුදුසු එළිමහන් බිමක් හෙට සිට ලාංකේය කලා කෙත අස්වැද්දීම සඳහා විවෘත වෙනවා.එය විශ්වීය වටිනාකමක් ඇති ලාංකේය ගැමි කලාවේ නියමු චරිතයක් වන රෝහණ බැද්දගේ සූරීන් නමින් වෙන් කර රොහණ බැද්දගේ පෙරහුරු කරළිය නමින් නම් කරන්නට කටයුතු යොදා තිබෙනවා.
වත්මන් ජනාධිපතිවරයාගේ මව වන සාහිත්‍යවේදීනී නාලිනී වික්‍රමසිංහගේ පරිත්‍යාගයක් හැටියට සැළකෙන සුදර්ශි භූමිය කාලයක සිට එහි ඇති සංස්කෘතික වටිනාකම නොසළකා හැර දේශපාලනඥයන් ද,ඉහළ රාජ්‍ය නිලධාරින් ද මෙහි භූමිය අත්පත් කර ගැනීමට උත්සාහ කරමින් සිටිනවා.විශේෂයෙන්ස පොකුරු ගැසී පේළි ගැසී ගෝඨාභය රාජපක්ෂ බලයට ගෙනා කලාකරුවන් ද මේ අවධානම ඉදිරියේ නිහඬව දෑත් බැඳ ගෙන සිටියා.එහෙත් වර්ථමාන සුදර්ශි පාළක මඩුල්ල කලා කේෂ්ත්‍රයට මේ භුමියේ වටිනාකම දැනෙන සේ සහ අවශ්‍යයතාවයේ වගකීමට මැදිහත්වීම සඳහා පෙළඹවෙන සුළු වැඩ කටයුතු රැසක් කරමින් සිටිනු දැකීම සතුටට කාරණයක්.එහෙත් තවමත් ජනාධිපතිවරයාගේ ආශිර්වාදය ලැබෙන තැන සිට ඒ අනුව ක්‍රියා කරන්නට සංස්කෘතික කටයුතු භාර දේශපාලකයෝ ද,ඔවුන්ගේ අණසකට යටත්ව නිවට නියාලුව හැසිරෙන නිලධාරීන් ද ජනාධිපති අණ ද නොතකා නොසළකා සිටින බවත් පෙනෙන්නට තිබෙනවා.
මෙවැනි වාතාවරණයක දැඩි වෙහෙසකින් කලාකරුවන් වෙනුවෙන් සුදර්ශිබිම රැක ගැනීමේ මෙහෙයුමේ තවත් වගකීම් සහගත පරමාදර්ශි මෙහෙවරක් ලෙස හැඳින්විය හැකි රෝහණ බැද්දගේ පෙරහුරු කරළිය හෙට (ජනාවරි 18) පෙරවරු 11.32 ට යෙදෙන සුබ මොහොතින් කලාවේ නියැලු සියලු ශිල්පීන් වෙනුවෙන් වෙන්ව විවෘත කෙරෙනවා.
