සටහන: සශිකලා මධුෂාණි
පෙබරවාරි 15: ලෝකය(අවුට්බවුන්ඩ් ටුඩේ): රුසියානු ජනාධිපතිවරයා ප්රසිද්ධියේ විවේචනයට ලක් කළ රුසියානු විපක්ෂ නායක ඇලෙක්සි නවාල්නිගේ මරණය සම්බන්ධයෙන් එක්සත් රාජධානිය, ප්රංශය, ජර්මනිය, ස්වීඩනය සහ නෙදර්ලන්තය යන රටවල් පහක් විසින් රුසියානු ජනාධිපතිවරයාට හා රජයට එරෙහිව චෝදනා එල්ල කර තිබේ.
ඔවුන් ඒකාබද්ධ නිවේදනයක් නිකුත් කරමින් රුසියානු විපක්ෂ නායක ඇලෙක්සි නවාල්නි රුසියානු රාජ්යය විසින් පරිපාලනය කරන ලද ඩාර්ට් ගෙම්බාන්ගේ විෂ ශරීරගත වීම හේතුවෙන් මියගිය බව බුද්ධි අංශ වාර්තාවක් අනාවරණය කරන ලද බව සඳහන් කර තිබේ. එම නිවේදනයේ වැඩිදුරටත් සඳහන් වන්නේ, බුද්ධි අංශ වාර්තාවන්ට අනුව, රසායනාගාර පරීක්ෂණවලින් හෙළි වූයේ ඉක්වදෝර ඩාර්ට් ගෙම්බන්ගේ (එපිබැටිඩීන්) සමෙහි මාරාන්තික විෂ ද්රව්ය නවාල්නිගේ සිරුරෙන් ලබාගත් සාම්පලවලින් හමු වූ බවත්, එය ඔහුගේ මරණයට හේතු විය හැකි බවත්ය.
නවාල්නි වසර 19 ක සිර දඬුවමක් විඳිමින් සිටියදි 2024 වසරේ පෙබරවාරි 16වන දින සයිබීරියාවේ සිරගෙදර තුලදීම මියගොස් සිටියදී සොයාගන්නා ලද අතර මරණ පරීක්ෂණයක් පවත්වන අවස්ථාවේ ඔහුගේ ශරීරයේ විෂ පිළිබඳ සාක්ෂි තිබූ බව ඔහුගේ බිරිඳ යුලියා නවාල්නි සැප්තැම්බර් මාසයේදී මාධ්ය වෙත සඳහන් කරන ලදී.
විෂ වීම ම්ලේච්ඡ ක්රියාවක් ලෙස විස්තර කළ එක්සත් රාජධානිය, රුසියාව විසින් රසායනික අවි සම්මුතිය (CWC) බරපතල ලෙස උල්ලංඝනය කිරීමක් ලෙස මෙම අවස්තාව සඳහන් කර තිබිණි.
ක්රෙම්ලිනයට තම සතුරන්ට එරෙහිව ආයුධයක් ලෙස විෂ භාවිතා කිරීමේ දිගු ඉතිහාසයක් ඇත. 2006 දී ලන්ඩනයේදී විකිරණශීලී පොලෝනියම් භාවිතා කිරීමෙන් ඇලෙක්සැන්ඩර් ලිට්විනෙන්කෝ මරණයට පත් කිරීම්, 2018 දී සැලිස්බරි හි හිටපු ඔත්තුකරුවෙකු වූ සර්ජි ස්ක්රිපාල්ට ස්නායු කාරක ප්රහාරයක් සහ නවාල්නිට මීට පෙර විෂ ද්රව්ය භාවිතා කිරීමට ගත් උත්සාහය, විවේචකයින් සහ පලාගිය අය නිහඬ කිරීම සඳහා විෂ ද්රව්ය භාවිතා කිරීම සම්බන්ධයෙන් රුසියාව වඩාත් ජනප්රිය වේ.
