නියමිත දිනයේ දී 2023 පළාත් පාලන මැතිවරණය පැවැත්වීමට කටයුතු කරන බව මැතිවරණ කොමිෂන් සභාව අද (18) දින ශ්රේෂ්ඨාධිකරණයට දැනුම් දීමක් සිදුකර ඇත.
ඒ, අනුව පළාත් පාලන මැතිවරණ පනතට සහ අදාළ රෙගුලාසිවලට අනුකූලව නාමයෝජනා භාරදීම අවසන් වූ පසු මැතිවරණය පැවැත්වීමට අදාළ කටයුතු සම්පාදනය කරන බවට මැතිවරණ කොමිසම විසින් ශ්රේෂ්ඨාධිකරණයට සහතිකයක් ලබා දී ඇත.
මැතිවරණ කොමිෂන් සභාව විසින් එම දැනුම් දීම සිදුකර තිබෙන්නේ, රට තුළ දැඩි ආර්ථික අර්බුදයක් නිර්මාණය වී තිබීම මත පළාත් පාලන මැතිවරණය පැවැත්වීමේ තීරණය අත්හිටුවන ලෙස නියෝගයක් නිකුත් කරන මෙන් ඉල්ලා විශ්රාමික යුධ හමුදා කර්නල් ඩබ්.එම්.ආර්. විජේසුන්දර යන අය විසින් ගොනුකළ රිට් පෙත්සම අද දින ශ්රේෂ්ඨාධිකරණයේ කැඳවූ අවස්ථාවේ ය. එම පෙත්සම ප්රියන්ත ජයවර්ධන, ප්රීති පද්මන් සූරසේන සහ එස්. තුරෙයිරාජා යන ශ්රේෂ්ඨාධිකරණ විනිසුරු මඬුල්ල හමුවේ කැඳවනු ලැබීය.
මැතිවරණ කොමිෂන් සභාව වෙනුවෙන් ජනාධිපති නීතීඥ සාලිය පීරිස් මහතා පෙනී සිටි අතර, ඔහු විසින් මෙම දැනුම් දීම අධිකරණයට සිදුකර ඇත.
මේ අතර, පළාත් පාලන ඡන්ද විමසීම පැවැත්වීමට අවශ්ය මුදල් ප්රතිපාදන ලබාදිය නොහැකි බවට මහා භාණ්ඩාගාරය විසින් මේ දක්වා දැනුම්දීමක් සිදුකර නොමැති බව ද මැතිවරණ කොමිෂන් සභාව ශ්රේෂ්ඨාධිකරණයට දැනුම් දී තිබේ.
රෂිකා හෙන්නායක
