ඉහළ ආහාර උද්ධමනය හේතුවෙන් වැඩිම බලපෑමක් එල්ල වී ඇති රටවල් පිළිබඳ නවතම ලෝක බැංකු දර්ශකයේ ශ්රී ලංකාව හය වෙනි ස්ථානයට පත්ව ඇති බව වාර්තා වේ.
එම දර්ශකයට අනුව ශ්රී ලංකාවේ ආහාර උද්ධමනය 64 % කි.
ගියවර දර්ශකයේ 74%ක ආහාර උද්ධමනයක් සමඟ ශ්රී ලංකාවට හත්වෙනි ස්ථානය හිමිව තිබූ අතර නව දර්ශකයේ ස්ථානයක් ඉදිරියට පැමිණෙමින් හයවෙනි ස්ථානය ලබා ගෙන ඇත. නව දර්ශකයේ ශ්රී ලංකාව ස්ථානයක් ඉදිරියට පැමිණියත් නව වාර්තාවට අනුව ශ්රී ලංකාවේ උද්ධමනය 64 %දක්වා පහළ වැටී තිබේ.
ලෝක බැංකුව පසුගියදා නිකුත් කළ ආහාර සුරක්ෂිතතාව පිළිබඳ නවතම තක්සේරු වාර්තාව මත පදනම්ව මෙම දර්ශකය සැකසී ඇත.
ආහාර උද්ධමනය වැඩිම රට ලෙස පළමු ස්ථානය හිමිකරගෙන ඇත්තේ සිම්බාබ්වේ වන අතර එහි ආහාර උද්ධමනය 376% කි.
එම දර්ශකයේ දෙවැනි හිමිකරගෙන ඇත්තේ ලෙබනනයයි. එහි ප්රතිශතය 171% කි. වෙනිසියුලා තෙවැනි ස්ථාන ගෙන සිටී. එහි ප්රතිශතය 158% කි.
රෂිකා හෙන්නායක