රත්නපුර මහ සමන් දේවාලයේ පඬුරු කාමරයේ තිබූ මුදල් සොරකම් කිරීම පිළිබඳ විමර්ශන අපරාධ පරීක්ෂණ දෙපාර්තමේන්තුවේ නියෝජ්ය පොලිස්පතිවරයාගේ සෘජු අධීක්ෂණය යටතේ සිදුකරන ලෙස පොලිස්පතිවරයා විසින් නියෝග කර තිබේ.
ජනවාරි 08 – 09 අතර කාලසීමාවේදී මෙම සොරකම සිදුව ඇති බවටයි දේවාලයේ භාරකරුවන් විසින් පොලිසියට පැමිණිලි කර ඇත්තේ.
රත්නපුර කොට්ඨාස අපරාධ විමර්ශන කාර්යාංශය විසින් විමර්ශන ආරම්භ කර තිබුණු අතර මේ වනවිට පුද්ගලයින් 20 දෙනෙකුගෙන් පමණ ප්රකාශ සටහන් කරගෙන ඇත.
දේවාලයෙහි පඬුරු කාමරයේ CCTV කැමරා සවිකර තිබුණ ද ඒවා අක්රිය වී පැවති බව විමර්ශනවලදී අනාවරණය වී ඇති බව සඳහන්.
RN