කොළඹ මහ නගරසභාව සඳහා එක්සත් ජාතික පක්ෂය අද (21) දිනයේදී නාමයෝජනා භාරදුන් අතර ඔවුන් ඉදිරිපත් කර ඇති කණ්ඩායමෙහි නගරාධිපති අපේක්ෂකයකු පක්ෂය විසින් නම් කර නොමැති බව වාර්තා වේ.
ඒ අනුව පළාත් පාලන මැතිවරණයෙන් අනතුරුව කොළඹ නගරාධිපති ධුරය සඳහා සුදුසු පුද්ගලයා පක්ෂය විසින් තීරණය කරනු ඇති බවයි එම පක්ෂයේ ආරංචිමාර්ග සඳහන් කළේ.
එහිදී එක් එක් අපේක්ෂකයා ලබාගන්නා ඡන්ද සංඛ්‍යාව ඇතුළුව සමස්ත මැතිවරණ ක්‍රියාදාමය තුළ ඔවුන්ගේ කාර්යසාධනය අනුව වඩාත් සුදුසු පුද්ගලයා නගරාධිපති තනතුරට පත් කෙරෙනු ඇති බව පක්ෂ ආරංචිමාර්ග වැඩිදුරටත් පැවසීය.
RN
