”අනුර සමඟ නිදියමු හීනෙන් ජනපති වෙමු” ලෙස දැන් අලුත් සංකල්පයක් ඇති වී තිබෙන අතර මේ වන විට අනුර දිසානායක සහෝදරයා 25ක කැබිනට්ටුවක් සහ 25ක නියෝජ්‍ය ඇමති මණ්ඩලයක් සකස් කර තිබෙන අතර එහි කාන්තා කටයුතු ඇමති ගැන තමන් දැන ගැනීමට කැමැත්තෙන් සිටින බව ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී තිස්සකුට්ටිආරච්චි මහතා පැවසුවේය.
ඒ, අද (21) ශ්‍රී ලංකා පොදුජන පෙරමුණේ පසුපෙළ මන්ත්‍රීවරුන් විසින් පවත්වන මාධ්‍ය හමුවේදීය.
අනුර කුමර සහෝදරයා ඒ ගැන තමන්ගේ කනට කර හෝ කීවා නම් හොඳ යැයි තමන්ට සිතෙන බවයි මන්ත්‍රීවරයා සඳහන් කළේ.
ජනාධිපතිවරණයක් පේනමානයක හෝ නොමැති තත්ත්වයක ජවිපෙ නායකයා රටට විහිලු සපයමින් සිටින බවත් ඔහු ජනාධිපති වූ විට ක්‍රියාත්මක කිරීමට සැලැස්මක් ඇත්නම් ඒ ගැන දැන්ම වත්මන් ජනාධිපති ගෝඨාභය රාජපක්ෂ මහතා සමඟ සාකච්ජා කළ හැකි බවත් කුට්ටිආරච්චි මන්ත්‍රීවරයා පැවසුවේය.
ඔහු එලෙස සූදානම් වන්නේ නම් අනුර දිසානායක සහෝදරයාව ජනාධිපතිවරයා ළඟට වඩාගෙන හෝ යන බවයි ඔහු වැඩිදුරටත් කියාසිටියේ.
ASK
