යුරෝපය පුරා සංක්‍රමණික ජාවාරමක් පවත්වාගෙන ගිය ශ්‍රී ලාංකිකයන් 14 දෙනෙකුට උතුරු ප්‍රංශයේ අධිකරණයක් සිරදඬුවම් නියම කර ඇත. එය සිදුවී ඇත්තේ මහද්වීපය පුරා සිටින බලධාරීන් අපරාධ ජාලයන් මර්දනය කිරීමට උත්සාහ කරන අතරතුරේදීය.
සෙරිෆොන්ටේන් ගම්මානයේ සිල්ලර වෙළඳසැලකින් මෙහෙයුම අධීක්ෂණය කළ බවට චෝදනා ලැබූ ප්‍රධාන සැකකරුට වසර හතරක සිරදඬුවමක් සහ වසරක අත්හිට වූ සිරදඬුවමක් නියම විය.
නැගෙනහිර යුරෝපයේ නිලධාරීන්ට අල්ලස් දීමෙන් යුක්රේනයේ සිට මහාද්වීපය හරහා ශ්‍රී ලංකාව සහ බංග්ලාදේශයේ සංක්‍රමණිකයන් ගෙනයාම සඳහා මිල ගණන් සහ මාර්ග ඔහු විසින් නියම කරන ලද බව විමර්ශකයෝ තීරණය කර ඇත.
බ්‍රිතාන්‍යයේ වෙසෙන නමුත් පිටුවහල් කිරීමේ ඉල්ලීම්වලට එරෙහිව සටන් කරන තවත් සැකකරුවෙකුට බුවායිස් අධිකරණය විසින් වසර පහක සිරදඬුවමක් ලබා දුන් අතර අනෙක් අයට අඩු සිරදඬුවම් නියම විය.
මෑත වසරවලදී වැඩි වැඩියෙන් සංක්‍රමණිකයින් යුරෝපය දෙසට ගමන් කිරීමත් සමඟ ජාවාරම් කල්ලි වර්ධනය වී ඇති අතර බොහෝ දෙනෙක් විවිධ මාධ්‍යන් හරහා බ්‍රිතාන්‍යයට යාමට උත්සාහ කරති.
බ්‍රිතාන්‍ය රජයේ සංඛ්‍යාලේඛනවලට අනුව, සංක්‍රමණිකයන් 45,000 කට වැඩි පිරිසක් 2022 දී යුරෝපයේ ප්‍රධාන භූමියේ සිට දේශසීමාවෙන් එහාට ගමන් කර ඇති අතර, එය පෙර වසරේ වාර්තාව අනුව 17,000 කට වඩා ඉක්මවා ඇත.
රෂිකා හෙන්නායක
