සටහන – රුවන් නෙළුගොල්ල
පාර්ලිමේන්තු භෝජනාගාරයෙන් මන්ත්රීවරුන් සඳහා ලබාදෙන ආහාර වේල්වල මිල ගණන් ඉහළ දැමීමට පාර්ලිමේන්තුවේ ගෘහ කාරකසභාව තීරණය කළ බව නියෝජ්ය අමාත්ය ගමගෙදර දිසානායක මහතා පවසයි.
ඒ අනුව, ලබන සතියේ සිට නව මිල ගණන් ක්රියාත්මක වන බවයි නියෝජ්ය අමාත්යවරයා සඳහන් කළේ.
මෙහිදී මෙතෙක් රුපියල් 100ක් වශයෙන් පැවති උදෑසන ආහාර වේලක මිල රුපියල් 600ක් දක්වාත්,
මෙතෙක් රුපියල් 300ක් වශයෙන් පැවති දිවා ආහාර වේලක මිල රුපියල් 1,200 දක්වාත්,
මෙතෙක් රුපියල් 50ක් වශයෙන් පැවති තේ පැන් සඳහා වන ගාස්තුව රුපියල් 200ක් දක්වාත් ඉහළ දමා ඇත.
කෙසේවෙතත් මෙම ආහාර වේල් සඳහා පාර්ලිමේන්තුවේ විධායක ශ්රේණියේ නිලධාරීන්ගෙන් අය කරන ගාස්තු ඉහළ දැමීමට තීරණය නොකළ බවත් නියෝජ්ය අමාත්ය ගමගෙදර දිසානායක මහතා වැඩිදුරටත් ප්රකාශ කළේය.
