රෂිකා හෙන්නායක අප්‍රේල් 12, කොළඹ LNW :
කොළඹ පීපල්ස් පාර්ක් පරිශ්‍රයේ සිට විවිධ ප්‍රදේශ කරා අනවසරයෙන් මගීන් ප්‍රවාහනය කළ බස් රථ හතක් ජාතික ගමනාගමන කොමිෂන් සභාවේ නිලධාරීන් විසින් අත්අඩංගුවට ගෙන තිබේ.
මෙම වැටලීම සිදුකර ඇත්තේ අදාළ බස් රථ වලංගු ධාවන බලපත්‍ර නොමැතිව සහ මගීන්ගෙන් අධික ගාස්තු අය කරමින් ධාවනය වීමට සූදානම් වූ අවස්ථාවකදීය.
උත්සව සමය තුළ මෙවැනි නීතිවිරෝධී ප්‍රවාහන සේවා භාවිත කිරීමෙන් වළකින ලෙසත්, රජය විසින් සලසා ඇති ආරක්ෂිත සහ නීත්‍යානුකූල බස් සේවාවන් පමණක් ලබාගන්නා ලෙසත් බලධාරීන් මහජනතාවගෙන් ඉල්ලා සිටියි.
අත්අඩංගුවට ගත් බස් රථ සම්බන්ධයෙන් ඉදිරි නීතිමය පියවර ගැනීම සඳහා ඒවා අධිකරණය වෙත යොමු කිරීමට නිලධාරීන් කටයුතු කර ඇත.
මෙම ක්‍රියාවලිය මගින් මගීන්ගේ ජීවිත ආරක්ෂාව තහවුරු කිරීම සහ ප්‍රවාහන ක්ෂේත්‍රයේ විනය පවත්වා ගැනීම අපේක්ෂා කෙරේ.
