ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රීවරුන් 20 දෙනෙකු පමණ දේශපාලනය සම්බන්ධයෙන් දැඩි ලෙස කළකිරීමට පත්ව සිටින බව වාර්තා වේ.
ඒ අනුව, මීළඟ මහමැතිවරණයක් සඳහා තරග නොකිරීමට ඔවුන් දැනටමත් තීරණය කර ඇති බව සඳහන්.
මේ අතර තවත් පොහොට්ටු පාර්ලිමේන්තු මන්ත්‍රීවරුන් පිරිසක් ඉදිරියේදී විදෙස්ගත වීම සඳහා අවශ්‍ය කටයුතු සූදානම් කරමින් සිටින බවත් ආරංචිමාර්ග ප්‍රකාශ කළේය.
පසුගිය 2020 මහමැතිවරණයේදී ශ්‍රී ලංකා පොදුජන පෙරමුණ නියෝජනය කරමින් පාර්ලිමේන්තු මන්ත්‍රීවරුන් 145කු පත්වූ අතර මේ වනවිට ඔවුන්ගෙන් 50ක පමණ සංඛ්‍යාවක් ආණ්ඩුවෙන් ඉවත්ව පාර්ලිමේන්තුව තුළ ස්වාධීනව කටයුතු කරති.
RN
