අභාවප්‍රාප්ත නීලා වික්‍රමසිංහ මහත්මියගේ දේහය එළඹෙන බදාදා (26) දිනයේ අළුයම මෙරටට රැගෙන ඒමට නියමිතව තිබේ.
ඉතාලියේ මිලානෝ නුවර ශ්‍රී ලංකා කොන්සල් ජනරාල්වරිය ලෙස කටයුතු කරමින් සිටි ඒ මහත්මිය හදිසි හෘදයාබාධයක් හේතුවෙන් අභාවප්‍රාප්ත වූයේ පසුගිය 17 වනදා ය.
ඒ මහත්මියගේ දේහය මෙරටට රැගෙන ඒමට පෙර ඉතාලියේ සිටින ශ්‍රී ලාංකිකයින්ට අවසන් ගෞරව දැක්වීමේ අවස්ථාව ලබාදෙමින් පෙරේදා (22) දිනයේදී මිලානෝ හි පෞද්ගලික මල්ශාලාවක තැන්පත් කර තිබිණි.
දේහය මෙරටට ගෙන ඒමට අදාළ කටයුතු විදේශ අමාත්‍යාංශය මගින් සිදුකෙරෙන අතර දේහය පිළිබඳ අවසන් කටයුතු සිදුකෙරෙන ආකාරය අද දිනයේදී තීරණය කිරීමට නියමිත බව සඳහන්.
RN
