සටහන – නිශ්මං රණසිංහ
ජනවාරි 25 කොළඹ (LNW):”අතා නෙමෙයි ඇතා” චමරි අතපත්තු ගැන එහෙම කියන්නෙ භාතිය අර්ථනායක.ඒ වසරේ දක්ෂතම ක්‍රීඩිකාව බවට චමරි අතපත්තු පත්වීම ගැන ලියන සුබ පැතුම් සටහනක.
අපි මෑතක ඉදලා කියන දෙයක් තමයි දැන් චමරි බර අදින වැඩේ කරන අතරේම අලුත් ඇතින්නියො කිහිප දෙනෙක් හදන්නත් ඕනි.ඒ කියන්නෙ දැන් හෙණ්ඩුව ගන්නත් ඕනි.පුළුවන්නම් චුට්ටක් පස්සට අඩිය අරගෙන බැට් කරලා මැදපෙළත් හදන්න ඕනි කියන එක.
හැබැයි දැන් ලංකාවෙ ඉන්න වටිනාම ක්‍රිකට් තරුව කවුද කියලා ඇහැව්වොත් ක්‍රීඩකයන්ගෙ නම්වලට ඉස්සෙල්ලා චමරිගෙ නම කියන අය වැඩියි.ඉතිං ලෝකෙම සළකන ලංකාවෙ විශ්වාසය චමරි බව ඔප්පුවෙන සංඛේතයක් මිස මේ සම්මානය විශ්මයක් නෙමෙයි.ක්‍රිකට් විශ්වය විශ්මයට පත් කරපු ඇයට ලැබුණ,හිමි විය යුතුම සම්මානයට අපේ සුබ පැතුම්!
