ජෝන් හොප්කින්ස් විශ්ව විද්‍යාලයේ ව්‍යවහාරික ආර්ථික විද්‍යාව පිළිබඳ මහාචාර්යවරයෙක් වන ස්ටීව් හැන්කි මහතාගේ ලෝකයේ අවප්‍රමාණය වූ මුදල් ඒකක පිළිබඳ දර්ශකය පෙන්වා දී ඇත්තේ ශ්‍රී ලංකා රුපියල ශක්තිමත් වී ඇති බවයි.
එම දර්ශකයේ නවතම යාවත්කාලීනය අනුව ශ්‍රී ලංකාව ස්ථාන හතරක් පහළට පැමිණෙමින් අටවෙනි ස්ථානයට පත්ව තිබේ. ඉකුත් වර්ෂයේ ජනවාරි මස පළමු වැනිදා සිට මේ දක්වා කාලය තුළ ඇමෙරිකානු ඩොලරයට සාපේක්ෂව ශ්‍රී ලංකා රුපියල 45.62% කින් අවප්‍රමාණය වී ඇති බව එම දර්ශකය පෙන්වා දෙයි.
පසුගිය දර්ශකයේ ශ්‍රී ලංකාව සිව්වන ස්ථානයේ පසු වූ අතර, පසුගිය වසරේ ජනවාරි 01 වැනි දා සිට මෙම වසරේ ජනවාරි 13 වැනි දා දක්වා කාලය තුළ ඩොලරයට සාපේක්ෂව 47.69% කින් ශ්‍රී ලංකා රුපියල අවප්‍රමාණය වී තිබුණි.
ඒ අනුව පසුගිය දර්ශකයට සාපේක්ෂව නව දර්ශකයේ දී ශ්‍රී ලංකා රුපියල 2.07% කින් ශක්තිමත් වී ඇති බවයි දක්නට ලැබෙන්නේ.
රෂිකා හෙන්නායක
