සංශෝධිත නව ආදායම් බදු පනතට එරෙහිව මහබැංකු විධායක නිලධාරීන්ගේ සංගමය විසින් මහ බැංකුව ඉදිරිපිට අද (26) උද්ඝෝෂණයක් සංවිධානය කර තිබුණි.
මහ බැංකුව ඉදිරිපිට පැවති උද්ඝෝෂණයෙන් අනතුරුව පිරිස ජනධිපති ලේකම් කාර්යාලය දෙසට පාගමනින් යාමට සූදානම් වීමත් සමඟ ඊට පොලීසිය බාධා කරනු ලැබීය.
අධි ආරක්‍ෂිත කලාපයට ඇතුල්වීමට නොහැකි බවත් තවදුරටත් අවශ්‍ය නම් මහ බැංකුව ඉදිරිපිටම් විරෝධතාව පවත්වන ලෙසයි පොලීසිය පවසා තිබුණේ.
අනතුරුව ජනධිපති මන්දිරය ඉදිරිපිට ඔවුන් සිය විරෝධතාව දක්වන ලදී.
මෙහිදී විරෝධතාකරුවන් හා පොලීසිය අතර යම් උණුසුම් තත්ත්වයක් මතු විය.
සංශෝධිත නව බදු පනතට එරෙහිව සියලුම වෘත්තිකයින්ගේ සහභාගීත්වයෙන් පසුගිය 23 වැනිදා සිට කළු සතියක් නම් කෙරුණු අතර එහි තවත් පියවරක් ලෙසයි මහ බැංකුවේ විධායක නිලධාරීන්ගේ සංගමය විසින් මෙම විරෝධතාව සංවිධානය කර තිබුණේ.
ASK
