සටහන – නිපුනි ලියනගේ
ජනවාරි 26, ලෝකය (අවුට්බවුන්ඩ් ටුඩේ): ගාසා තීරයේ දියත් කර ඇති සිය යුද්ධයේදී ජන සංහාරය ඇති වන අයුරින් ක්රියා කිරීමෙන් වැළකීමට පියවර ගන්නා ලෙස එක්සත් ජාතීන්ගේ ශ්රේෂ්ඨාධිකරණය ඊශ්රායලයට නියෝග කර තිබේ.
“ඊශ්රායල් රාජ්යය… ජන සංහාර සම්මුතියේ II වගන්තියේ විෂය පථය තුළ සියලු ක්රියා සිදුකිරීම වැලැක්වීම සඳහා සිය බලය තුළ සියලු ක්රියාමාර්ග ගත යුතුය” යනුවෙන් ජාත්යන්තර අධිකරණය (ICJ) පැවසීය.
මෙම තීන්දුවේ දී, ජාත්යන්තර අධිකරණයෙහි විනිසුරු මඩුල්ලෙන් බහුතරයක් හදිසි පියවර සඳහා ඡන්දය දුන් අතර එය ගාසා තීරයේ ඊශ්රායල හමුදා ක්රියාමාර්ග නතර කිරීමට නියෝග කිරීම හැර දකුණු අප්රිකාව ඉල්ලා සිටි බොහෝ දේ ආවරණය කෙරිණි.
සමූල ඝාතන සම්මුතියට යටත් විය හැකි කිසිදු ක්රියාවකින් වළකින ලෙසත්, ගාසා තීරයේ කිසිදු ජනඝාතක ක්රියාවක් තම හමුදා විසින් සිදු නොකරන බවට සහතික වන ලෙසත් අධිකරණය ඊශ්රායලයට නියෝග කර ඇත.
