ශ්‍රේෂ්ඨාධිකරණ නියෝගයට අනුව ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධන මහතා සම්බන්ධයෙන් කටයුතු කරන බව මහජන ආරක්ෂක අමාත්‍ය ටිරාන් අලස් මහතා පවසයි.
පාස්කු ප්‍රහාරය සම්බන්ධයෙන් මූලික අයිතිවාසිකම් නඩු විභාගයේදී සත් පුද්ගල විනිසුරු මඩුල්ල නියෝගයක් ලබා දී තිබුණේ නිලන්ත ජයවර්ධන මහතා සම්බන්ධයෙන් විනය පරීක්ෂණයක් පැවැත්විය යුතු බවයි.
ඒ අනුව අදාළ නියෝගය පරිදි මාස හයක කාලය තුළ එම විනය පරීක්ෂණය පවත්වා එම වාර්තාව ශ්‍රේෂ්ඨාධිකරණය වෙත භාර දීමට කටයුතු කරන බව අමාත්‍යවරයා සඳහන් කරයි.
අමාත්‍යවරයා මේ බව සඳහන් කළේ ඊයේ (27) අමාත්‍යංශයේදී පැවති මාධ්‍ය හමුවේදී මාධ්‍යවේදියෙකු නැගු ප්‍රශ්නයකට පිළිතුරු දෙමිනි.
ASK
