සටහන – රෂිකා හෙන්නායක
ජනවාරි 28 කොළඹ (LNW): රුහුණ විශ්වවිද්යාලයේ කුලපති පූජ්ය අකුරටියේ නන්ද ස්වාමින් වහන්සේ පවසන්නේ, සමාජ මාධ්ය නියාමනයක් තිබිය යුතු බවයි.
උන්වහන්සේ මේ බව ප්රකාශ කළේ, ගාල්ල අක්මීමන පංචථූපාරාම විහාරස්ථානයේ පැවති උත්සවයක දීය.
පූජ්ය අක්මීමන පියරතන ස්වාමින් වහන්සේ වෙත සද්ධර්ම කිර්ති ශ්රී ධම්මදින්න අත්තදස්සි යන ගෞරව නාමය සහිතව ගාලු මාතර දෙපළාතේ ප්රධාන සංඝානයක පදවිය පිරිනැමීම වෙනුවෙන් උන්වහන්සේ පිළිගැනීමේ උත්සවයක් ලබුදූවේ දී පැවැත්වුණි.
මෙහිදි උන්වහන්සේ වෙත සන්නස් පත්රය පිළිගැනීම අමාත්ය රමේෂ් පතිරණ මහතා අතින් සිදුකෙරුණු අතර විජිනි පත පිළිගැන්වුයේ අමාත්ය විදුර වික්රමනායක මහතායි.
මීට සමගාමිව අක්මීමන තොටගොඩ පංචථූපාරාමයේ ඉදිකළ ධාතු මන්දිය, ධර්ම ශාලාව සහිත සංඝාවාස ගොඩනැගිල්ල විවෘත කිරීම ද නාවික හමුදාපති වයිස් අද්මිරාල් ප්රියන්ත පෙරේරා මහතා අතින් සිදුවිය.
