ආර්ථික මර්මස්ථාන හා සම්බන්ධ වෘත්තීය සමිතිවලට සහ රජයේ වෛද්‍ය නිලධාරීන්ගේ සංගමයට වැඩවර්ජන කිරීමේ අයිතිය ආණ්ඩුක්‍රම ව්‍යවස්ථාවෙන්ම තහනම් කළයුතු බවට අධිකරණ අමාත්‍ය මොහොමඩ් අලි සබ්‍රි මහතා කළ ප්‍රකාශය නිසා ජිනීවා මානව හිමිකම් සමුළුවේදී ශ්‍රී ලංකාව අපකීර්තියට පත්විය හැකි බව රජයේ වෛද්‍ය නිලධාරීන්ගේ සංගමයේ විධායක කමිටු සාමාජික ප්‍රසාද් කොළඹගේ මහතා පවසයි.
“අපි වැඩ කරන්න ඕනෙ ලෝකයේ පිළිගත් ආචාරධර්ම, නීති, රෙගුලාසි වලට අනුකූලව. මේ රටේ අධිකරණ අමාත්‍යවරයා මීට වඩා වගකීමෙන් කටයුතු කරයි කියලා හිතනවා. මම හිතන්නෙ මේ වෙනකොටත් ඔය ජිනීවා සමුළුවට වගේ ආයතනවලට, ජිනීවා ආයතනවලට, මානව හිමිකම් පිළිබඳව කටයුතු කරන ආයතනවලට මේ පිළිබඳව වාර්තා වෙලා තියෙනවා. ඒ හරහා අපකීර්තියට පත්වෙන්නේ මේ අපේ රට”
වෛද්‍ය ප්‍රසාද් කොළඹගේ මහතා මේ බව පැවසුවේ ඊයේ (01) රජයේ වෛද්‍ය නිලධාරීන්ගේ සංගමය විසින් පැවැත්වූ මාධ්‍ය හමුවක් අමතමිනි.
RN
