සටහන – රෂිකා හෙන්නායක
පෙබරවාරි , 03 කොළඹ (LNW): මීට පෙර, කෑගල්ල දිස්ත්‍රික්කය තුළ හොඳ නායකත්වයක් ගොඩ නැගීමට ඉඩ ලබා දී නොමැති බව සබරගමු පළාත් ආණ්ඩුකාර අධිනීතිඥ නවින් දිසානායක මහතා පවසයි.
කැපිලි කෙටිලි දේශපාලනයක් පවතින බවත් කවුරුන් හෝ ඉදිරියට එන විට එම ගමන නවතන දේශපාලනයක් පවතින බවද ඔහු කියා සිටියේය.
එහිදී අදහස් දක්වමින් ඔහු සඳහන් කළේ වැඩක් කළ හැකි පිරිසක් සමඟ ජනතාව සිටගත යුතු බවයි.
නවීන් දිසානායක මහතා එහිදී ප්‍රකාශ කළේ, සජිත් ප්‍රේමදාස මහතා දෙවැනි පෙළේ සිටිය යුතු බව තමා මීට පෙර පැවසුව ද එතුමා වෙනත් පක්ෂයක් සදාගෙන ගිය බවයි.
නවින් දිසානායක මහතා මේ බව ප්‍රකාශ කළේ කෑගල්ල රතඹලාවත්ත ප්‍රදේශයේ සබරගමු පළාත් ආණ්ඩුකාර උප කාර්‍යාලයක් විවෘත කිරීමේ අවස්ථාවට එක්වෙමිණි.
